Press

Në Komunën e Prishtinës rreth 100 biznese do të përfitojnë falë Marrëveshjes së bashkëpunimit të nënshkruar midis Komunës së Prishtinës dhe organizatës “Help”.

Kryetarit të Komunës së Prishtinës Z.Shpend Ahmeti dhe dhe Znj. Shqipe Breznica, Koordinatore e Programit, pranë organizatës Help-Hilfe zur Selbsthilfe e.V. në Kosovë kanë nënshkruar marrëveshjen për zbatimin e projektit të “Përkrahje për stabilitetin socio-ekonomik nëpërmjet fuqizimit të sektorit të mikro-biznesit në Kosovë”.

I pranishëm në nënshkrimin e kësaj marrëveshjeje ishte edhe Zëvendës Ambasadori i Republikës Federale të Gjermanisë në Kosovë, Matthias Kiesler.

Përfituesve të këtij projekti do t’u dhurohen pajisje me vlerë mesatare 2.000 euro, kombinuar me trajnime profesionale e mbikëqyrje për zhvillimin e tyre të qëndrueshëm.

“Sot e zyrtarizojmë një pjesë të një marrëveshje që organizata “Help” do ta bëjë me disa Komuna në Republikën e Kosovës. Kemi kënaqësinë që jemi një prej këtyre komunave për përkrahjen e bizneseve të vogla me grante. Falënderoj edhe Zëvendës Ambasadorin, z. Matthias Kiesler për përkrahjen që shteti gjerman është duke e dhënë për Kosovën dhe në përgjithësi për ndihmën shumëvjeçare në projekte të ndryshme. Komuna e Prishtinës është njëra prej përfitueseve më të mëdha të projekteve të shtetit gjerman dhe ato projekte tashmë po tregojnë edhe suksese dhe lehtësim të jetës së qytetarëve’, tha në këtë konferencë Ahmeti.

Zëvendës Ambasadori Z. Matthias Kiesler tha se është i kënaqur që Komuna e Prishtinës është përfituese e këtij projekti dhe foli për arsyen e këtij projekti.

“Siç e dini gjatë muajve të kaluar ka pasur një ngritje shumë të madhe të numrit të personave të cilët janë larguar nga Kosovë në vendet e Bashkimit Evropian. Kjo ndërlidhet edhe me numrin e rritur të azilkërkuesve në Gjermani. Në janar të këtij viti kanë qenë 3.000 kosovarë që kanë kërkuar azil në Gjermani, në muajin shkurt 7.000 dhe në mars ky numër ka arritur në 11.000 persona”, tha Zv. Ambasadori gjerman.

Por pyetja është se pse këta njerëz janë larguar nga Kosova vijoi në fjalën e tij zëvendës Ambasadori. Ai po ashtu tha se një arsye sigurisht se është gjendja e keqe ekonomike e tyre apo perceptimi i tyre i gjendjes ekonomike.

Veprimet që do të ndërmerren në veçanti sipas kësaj marrëveshje lidhen me krijimin e vendeve të reja të punës përmes përkrahjes me grante të mikrobizneseve”, tha Zv. Ambasadori gjerman, Matthias Kiesler.

Ndërsa, Znj. Shqipe Breznica shpjegoi se organizata “Help” është organizatë gjermane me seli në Bon dhe se nga maji i vitit 2015 kanë filluar fushëveprimtarinë edhe në Kosovë.

“Projekti ka për fokus përkrahjen e biznese të vogla në Kosovë. Në vitin 2015 do të përqendrohemi në 6 komuna, ndërsa në vitin 2016 do t’i shtojmë edhe 3 komuna të tjera. Qëllimi është që t’u ndahen grante prej 2.000 eurove bizneseve të vogla ku edhe Komunat do të përkrahin me bashkëfinancim dhe po ashtu përfituesit potencial do të duhet të participojnë me 15% të vlerës së grantit. Në Komunën e Prishtinës janë paraparë 80 grante për vitin 2015 dhe 20 grante për vitin 2016. Kontributi i Komunës së Prishtinës është 40 mijë euro si bashkëfinancim” tha Znj.Breznica.

Shuma e përgjithshme e projektit për vitet 2015 dhe 2016 do të jetë 1.360.940,00 euro, ndërsa donator kryesor i këtij projekti është Qeveria Gjermane në vlerë prej 500.000,00 euro në vitin 2015 (Faza I – rë) dhe shuma e planifikuar prej 500.000,00 euro në vitin 2016 (Faza II – të).
Bashkëfinancues janë edhe Ministria e Punës dhe Mirëqenies Sociale në një shumë në vlerë prej 100.000,00 Euro, si dhe Komunat e përfshira në Projekt në vlerë prej 126.000,00 Euro
Projekti do të zbatohet në komunat vijuese: Prishtinë, Mitrovicë, Ferizaj, Graçanicë, Leposaviq, Mitrovicë e Veriut,Vushtrri, Prizren dhe Gjilan.

BotaSot

Në ambientet e Ministrisë së Punës dhe Mirëqenies Sociale (MPMS), sot u nënshkrua Marrëveshja e Bashkëpunimit në mes të MPMS-së dhe organizatës gjermane Help – Hilfe zur Selbsthilfe e.V.

Ministri i Punës dhe Mirëqenies Sociale, Arban Abrashi dhe Timo Stegelmann, kryesuesi i Divizionit të Evropës Juglindore i organizatës Help-Hilfe zur Selbsthilfe e.V., nënshkruan Marrëveshjen e Bashkëpunimit për zbatimin e projektit “Përkrahje për stabilitetin socio-ekonomik nëpërmjet fuqizimit të sektorit të mikro-biznesit në Kosovë”.

Vlera e përgjithshme e projektit për fazën I dhe II është 1 milion e 360 mijë e 940 euro.

Projekti do të zbatohet në komunat vijuese: Prishtinë, Mitrovicë, Ferizaj, Graçanicë, Leposaviq, Mitrovicë e Veriut, , Vushtrri, Prizren dhe Gjilan.

430 mikro-biznese do të ndihmohen me pajisjet e nevojshme për drejtimin e veprimtarive të tyre. Vlera mesatare e një granti do të jetë 2 mijë euro. Së paku 430 biznese dhe 160 trajnime profesionale do të organizohen për bizneset e përkrahura.

Projekti do të zbatohet gjatë periudhës maj 2015 deri në dhjetor 2016. Ky projekt është në përputhje me strategjitë nacionale dhe lokale të Kosovës dhe do ta përkrahë procesin e zhvillimit të qëndrueshëm si të tërë.

telegrafi

Organizata gjermane “Help-Hilfe zur Selbsthilfe” dhe komuna e Ferizajt kanë nënshkruar sot një marrëveshje bashkëpunimi në fushën e përkrahjes së bizneseve të vogla, nga e cila komuna do të përfitojë investime në vlerë prej 121 mijë eurove, shumë kjo që do t’u jepet në formë të granteve 40 bizneseve në synimet e tyre për të filluar ose zhvilluar biznesin.

Me këtë rast, kordinatorja e organizatës gjermane Shqipe Breznica, tha se projekti “Mbështetje stabilitetit socio-ekonomik përmes fuqizimit të mikro-bizneseve në Kosovës”, do të realizohet gjatë përidhës maj 2015 deri në dhjetor të vitit 2016 në 10 komuna të Republikës së Kosovës. Në komunat përfituese do të ndihmohen 430 mikro-biznese me pajisjet e nevojshme për drejtimin e veprimtarive të tyre.

Këtë projekt e ka vlerësuar si të rëndësishëm për komunën edhe drejtori i Drejtorisë për Zhvillim Ekonomik, Enver Haliti, duke vënë në dukje se përmes tij do të përkrahen iniciativat e lira të qytetarëve të cilat do të gjenerojnë edhe vende të reja pune.

Ndryshe, u bë e ditur se përfituesit duhet t’i aktivizojnë menjëherë pajisjet që i përfitojnë sepse në të kundërtën ato do të merren prapë nëse nuk përdoren për qëllimin për të cilin janë dhënë.

Kosovapress

Gradonačelnik opštine Severna Mitrovica Goran Rakić I koordinator projekta nemačke organizacije “Help-Hilfe zur Selbsthilfe e.V.” na Kosovu Shqipe Breznica potpisali su danas Sporazum o saradnji u okviru projekta “Podrška socio – ekonomskoj stabilnosti kroz osnaživanje mikro biznis sektora na Kosovu”.

Glavne aktivnosti su usmerene na direktno otvaranje novih radnih mesta putem pomoći malim biznisima u vidu grantova u opremi, organizovanju poslovnih I stručnih obuka. “Help” će podržati sprovođenje postojećih strategija lokalnog razvoja I podržati proces održivog razvoja u celini, navodi se u saopštenju dostavljenom Kontakt Plus radiju iz opštine Severna Mitrovica.

U okviru projekta koji “Help” realizuje u opštini Severna Mitrovica biće podržano najmanje 40 korisnika u njihovim namerama za započinjanje ili razvoj poslovnih delatnosti, donacijom u opremi prosečne vrednosti u iznosu od 2.000,00 eura, uz poslovne I stručne obuke, monitoring I mentoring podržanih delatnosti sa ciljem njihovog održivog razvoja.

Ukupna vrednost projekta za opštinu Severna Mitrovica u prvoj I drugoj fazi iznosi 121.055.00 eura. Opština Severna Mitrovica je partner na projektu a projekat će sprovoditi lokalna organizacija Fondacija Kosovo Luxembourg , lokalni partner organizacije “Help”.

TV Most

Komuna e Mitrovicës dhe organizata Help-Hilfe zur Selbsthilfe e.V., kanë nënshkruar sot Marrëveshje Bashkëpunimi për zbatimin e projektit “Përkrahje për stabilitetin socio-ekonomik nëpërmjet fuqizimit të sektorit të mikro-biznesit në Kosovë”.

Aktivitetet kryesore të projektit, janë të përqendruara në krijimin e vendeve të punës përmes mbështetjes direkte për bizneset e vogla, në formën e grandeve në pajisje, si dhe organizimin e trajnimeve profesionale dhe biznesore. Help do të mbështesë zbatimin e strategjive ekzistuese të zhvillimit lokal dhe do të përkrahë procesin e zhvillimit të qëndrueshëm si të tërë.

Në kuadër të këtij projekti të cilin organizata Help do ta realizoj në Komunën e Mitrovicë, do të përkrahen së paku 40 përfitues në qëllimet e tyre për fillimin apo zhvillimin e aktivitetit biznesor, duke dhuruar pajisje me vlerë mesatare prej 2.000 euro, së bashku me trajnime biznesore dhe profesionale, si dhe monitorim dhe mbikëqyrje, me qëllim të zhvillimit të tyre të qëndrueshëm.

Vlera e përgjithshme e projektit në fazën e I dhe II në Komunën e Mitrovicës është 121.054.88 euro. Komuna e Mitrovicës është partner i projektit, ndërsa implementimin e saj në terren do ta bëjë Fondacioni Kosovë-Luksemburg, partner vendor i organizatës Help.

indeksonline

100 bizneseve të vogla Organizata Gjermane “Help-Hilfe’’ do të i’u jap grande në vlerë prej 2000 eurove. Këto grande do të ndahen në dy pjesë, vlera e përgjithshme e këtyre grandeve të cilat janë në formën e pajisjeve dhe organizimit të trajnimeve profesionale dhe biznesore do të jetë në vlerë prej 302 mijë e 687 euro për Komunën e Prishtinës.

Pas raportit të projektit këto grande do të ndahen në dy faza, në vitin 2015 do të jetë faza e parë, ndërsa në vitin 2016 do të jetë faza e dytë.

Në afatin e aprë prej muajit maj deri në dhjetor do të përkrahen 80 biznese ndërsa në fazën e dytë në vitin 2016, 20 biznese.

Kryetari i komunës, Shpend Ahmeti nënshkroi një marrëveshje bashkëpunimi me këtë organizatë.

Përzgjedhjen e bizneseve do t’a bëjë organizata ‘’Help-Hilfe’’ , e qëllimi i kësaj marrëveshje sipas Ahmetit është krijimi i vendeve të reja të punës.

Klan Kosova

Kryetari i Komunës së Prishtinës Shpend Ahmeti dhe koordinatorja e Programit pranë organizatës “Help-Hilfe zur Selbsthilfe e.V” në Kosovë, Shqipe Breznica, do të nënshkruajnë sot Marrëveshjen e Bashkëpunimit për zbatimin e projektit “Përkrahje për stabilitetin socio-ekonomik nëpërmjet fuqizimit të sektorit të mikro-biznesit në Kosovë”.

Siç njoftoi Komuna, aktivitetet kryesore të këtij projekti janë të përqendruara në krijimin e vendeve të punës përmes mbështetjes direkt për bizneset e vogla, në formën e granteve në pajisje, si dhe organizimin e trajnimeve profesionale dhe biznesore

Kosovapress

Krytari i Komunës së Prishtinës, Shpend Ahmeti dhe Koordinatorja e Programit pranë organizatës ” Help-Hilfe zur Selbsthilfe e.V, Shqipe Breznica kanë nënshkruar marrëveshje Bashkëpunimi.

Marrëveshja e Bashkëpunimit ka për qëllim zbatimin e projektit në ” Përkrahjenë stabilitetin socio-ekonomik nëpërmjet fuqizimit të sektorit të mikro-biznesit në Kosovë”.

Krytari i Komunës së Prishtinës, Shpend Ahmeti i cili edhe e ka bërë nënshkrimin e kësaj marrëveshje tregoi se
“Sot po e zyrtarizojmë marrëveshjen me organizatën “Help”e cila ka bërë marrëveshje me disa komuna tjera dhe ne kemi knaqësin që jemi një nga këto komunat në përkrahjen e bizneseve të vogla me grante.

Komuna e Prishtinës është njëra nga komunat që ka përfituar më së shumti nga projektet e shtetit gjerman dhe ato projekte sot po tregojn suksese”, ka thënë Ahmeti.

Ndërsa Koordinatorja e Programit pranë organizatës ” Help-Hilfe zur Selbsthilfe e.V, me seli në Bonë, Shqipe Breznica e cila foli për rrolin e kësaj organizate në rajone cila funksionon qe 20 vjet dhe projektet qe do t’i realizoj gjatë këtij viti dhe vitit të ardhëshëm në Komunën e Prishtinës.

“Organizata “Help” është një organizat gjermane me seli në Bonë, në Kosovë, në Prishtinë kemi fillu nga muaji Maj i vitit 2015, projekti ka për fokus përkrahjen e bizneseve të vogla në Kosovë. Ne do të përqendrohemi në gjashtë komuna në vitin 2015 ndërsa në vitin 2016 do të shtojmë edhe tri komuna të reja.

Qëllimi është me ju ofru grante me vlerë prej 2 mije eurove bizneseve të vogla ku komuna përkrah në bashkfinancim dhe po ashtu përfitusi potencial paguan 15% të vlerës së grantit. Në Prishtinë për vitin e parë 80 grante dhe 20 grante për vitin e ardhëshëm, pra gjithsej 100 grante ne Prishtinë dhe në fshatrat për rreth. Kontributi i KK të Prishtinës është 40 mije euro si bashkfinancim dhe 15% i klientit, përfitusve potencial të granteve” ka thënë Breznica.

Në këtë ngjarje i pranishëm ishte edhe Zëvendës Ambasadori Gjerman në Prishtinë, Matthias Kiesler i cili foli për financimin e Ambasadës Gjermane për organizatën “Help” dhe arsyjen pse kjo marrveshje ka përkrahjen e Ambasadës Gjermane. Numëri i madhë i qytetarëve të Kosovës të cilët kanë kërku leje qëndrimi në Gjermani dhe mos pasja mundësi që ata të kenë bizneset e tyre ka qenë njëra nga arsyjet që ky projekt ka përkrahjen e Ambasadës Gjermane.

“Pytja është pse këta persona janë larguar nga Kosova ? Dhe tani do t’i kthemi pikerisht këtij projekti dhe ka një arsyje që është gjendja e rëndë e tyre ekonomike apo përceptimi i tyre për gjendjen e rëndë ekonomike.

Prandaj është shumë e rëndëishme që të gjithë qytetarëve të Kosovës tu ofrohet një përspektivë afatgjate ekonomike, përkrahja dhe fuqizimi i ekonomis është që shumë vite pikëkyqe e bashkpunimit tonë dy palesh zhvillimor,Ministria e Punëve të Jashtme Gjermane ka dhënë fonde shtesë me qëllim që ta përkrah sektorin privat në Kosovë” , ka thënë Matthias Kiesler

Infodirekt